Thursday, September 22, 2011

இஸ்லாம் vs கம்யூனிஸம் - ஒரு பறவை பார்வை

8 கருத்துக்கள்




இஸ்லாம் மக்களுக்கு நல்லதையே செய்திட வேண்டும் என்று வாதாடுகின்றது. எல்லா காலங்களுக்கும், எல்லா சமுதாயங்களுக்கும் இஸ்லாம் ஒன்றேதான் வழிகட்ட வல்ல மார்க்கம். கடந்த நான்கு நூற்றாண்டுகளாக இஸ்லாமிய பொருளாதாரம் செயலிழந்து ஒருவித மந்த நிலையில் இருந்து வருவதால் இஸ்லாத்தின் பொருளாதாரச் சட்டங்களும் செயலற்றவைகளாக இருந்து விட்டன. 

அப்படியானால் ஏன் நாம் நமது ஆன்மாவை தூய்மைப்படுத்திட இஸ்லாத்தையும், நமது பொருளாதார பிரச்னைகளுக்கு தீர்வு கண்டிட கம்யூனிஸத்தையும் பின்பற்றக் கூடாது? 

அப்படி செய்வதனால் கம்யூனிஸம் நமது சமுதாய அமைப்பையோ அல்லது சமுதாய அமைப்பின் ஏதேனும் ஒரு பகுதியையோ பாதிக்காது. இதனால் நாம் நமது ஒழுக்கப்பண்புகள், நமது சமுதாய நடைமுறைகள், பழக்க வழக்கங்கள் ஆகியவற்றை பாதுகாக்கின்றவர்களாகவும், அதே நேரத்தில் நமது பொருளாதாரப் பிரச்சனைகளுக்கு தீர்வு கண்டிட மிகவும் நவீனமானதொரு கொள்கையும் கொண்டவர்களாக திகழலாம்.

இப்படி ஒரு கருத்தை எடுத்து வைத்து முஸ்லிம்களிடையே சபலத்தை ஏற்படுத்துவது கம்யூனிஸ்டுகளின் நீண்ட கால சூழ்ச்சியின் நவீன கண்டுபிடிப்பாகும்.

முதலில் அவர்கள் கீழை நாடுகளில் வாழ்ந்த முஸ்லிம்களிடையே பல்வேறு சந்தேகங்களை ஏற்படுத்தி இஸ்லாத்தை எதிர்த்திட தலைப்பட்டனர். இதனால் முஸ்லிம்களிடம் இஸ்லாத்தின்பால் இருந்த பிடிப்பு அதிகரித்திடவே செய்தது. இதைக் கண்ட கம்யூனிஸ்ட்கள் தங்களுடைய தாக்குதலை பசப்பு வார்த்தைகளால் திசை திருப்புகிறார்கள்.

“கம்யூனிஸம் என்பது சமுதாயத்தில் நீதியை நிலை நாட்டுதல் என்பதன் மற்றொரு பெயரேயாகும். அரசு தனது குடிமக்களின் அத்தியாவசிய தேவைகளை பூர்த்தி செய்திட கடமைப்பட்டுள்ளது என்பதை கம்யூனிஸம் வலியுறுத்துகின்றது, இஸ்லாம் இவற்றையே அழுத்தம் திருத்தமாக எடுத்துச் சொல்லுகின்றது. ஆகவே கம்யூனிஸம் இஸ்லாத்தின் எதிரியல்ல.

இஸ்லாம் கம்யூஸத்தின் எதிரி என்று சொன்னால், இஸ்லாம் சமுதாயத்தில் நீதியை நிலைநாட்டிட விரும்பவில்லை என்று பொருளாகிவிடும். இப்படி யாராவது சொல்வார்களா? நிச்சயமாக சமூக நீதியை அடிப்படையாகக் கொண்ட எந்தக் கொள்கையையும் இஸ்லாம் எதிர்ப்பதில்லை.

இப்படி பசப்பு மொழி பேசி ஏமாற்ற முயற்சிக்கின்றார்கள் கம்யூனிஸ்ட்கள். இத்தகைய ‘சூழ்ச்சிவாதம்’ இதற்கு முன்னால் ஏகாதிபத்தியவாதிகளால் எடுத்து வைக்கப்பட்டதேயாகும். இந்த ஏகாதிபத்தியவாதிகளும், முதலில் இஸ்லாத்தின் மீது எதிர்ப்புக் கணைகளையே எடுத்து வீசினார். ஆனால் அவை முஸ்லிம்களை சலனப்படுத்தவில்லை.

மாறாக முஸ்லிம்கள் தங்களை இதுபோன்ற பிதற்றல் வாதங்களிலிருந்து பாதுகாத்துக் கொள்ளத் தலைப்பட்டனர். தங்களுடைய எதிர்ப்புவாதம் எடுபடாமல் போகவே அவர்கள் வேறு விதமாக சூழ்ச்சியைத் திருப்பினர். அப்போது அவர்கள் மேற்கொண்ட தந்திரவாதம் இதுதான்: “மேலை நாடுகள் கீழை நாடுகளில் சிறந்ததொரு கலாச்சாரத்தை பரப்பிடவே முனைகின்றன. இஸ்லாம் எவ்வாறு கலாச்சராத்தை – நல்ல பண்பாட்டை எதிர்க்கும்? அதுதான் பண்பாட்டின் பாசறையாயிற்றே” இதோடு அவர்கள் விடவில்லை.

“நீங்கள் இந்த மேலைநாட்டு நாகரிகத்தை கடைப்பிடியுங்கள். அதே நேரத்தில் நீங்கள் உங்கள் மதம் விரும்புவது போல் நோன்பிருங்கள், தொழுகையும் நிறைவேற்றுங்கள்” என்றும் சொன்னார்கள்.

ஒரு முறை இந்த முஸ்லிம்கள் மேலைநாட்டு நாகரிகத்தினுள் வந்துவிட்டார்களேயானால், அவர்கள் தங்களது மதத்தை மறக்க ஆரம்பித்துவிடுவார்கள். காலப்போக்கில் முஸ்லிம்கள் மேலைநாட்டு நாகரிகத்தில் மூழ்கி இஸ்லாத்தை மறந்துவிடுவார்கள் என்பதே அவர்களின் திட்டம். இதையே அவர்கள் நிறுபித்துக் காட்டினர்.

இதன் விளைவாக காலப்போக்கில் இஸ்லாம் என்றால் என்ன எனபதையே தெரியாத ஒரு தலைமுறை தோன்றியது. இவர்கள் இஸ்லாத்தைப் பற்றி அறியுமுன்னே, எந்தக் காரணமும் இல்லாமல் இஸ்லாத்தை வெறுக்க ஆரம்பித்தனர்.

ஏகாதிபத்தியவாதிகளின் இதே சூழ்ச்சி முறையைத்தான் கம்யூனிஸ்ட்கள் இன்று பின்பற்றிட முயற்சிக்கின்றனர். அவர்கள் சொல்லுகிறார்கள், முஸ்லிம்கள் முஸ்லிம்களாகவே இருக்கட்டும்; தொழுகைகையை நிறைவேற்றட்டும்; நோன்பிருக்கட்டும்; இன்னும் இது போன்ற கடமைகளை தடையின்றி நிறைவேற்றட்டும். கம்யூனிஸத்தை அவர்களின் பொருளாதாரக் கொள்கையாக மட்டும் ஏற்றுக் கொள்ளட்டும். ஏனெனில் கம்யூனிஸம் எந்த விதத்திலும் இஸ்லாத்திற்கு எதிரானது அல்ல. அப்படி இருக்க முஸ்லிம்கள் கம்யூனிஸத்தை ஏற்றுக்கொள்வதில் என்ன தயக்கம்?

முஸ்லிம்கள் ஒரு முறை கம்யூனிஸத்தை ஏற்றுக்கொள்வார்களேயானால், காலப்போக்கில் அவர்கள் கம்யூனிஸத்தால் ஆட்கொள்ளப்பட்டு விடுவர். அதன் மூலம் இஸ்லாத்தையும் இஸ்லாம் இந்த உலகில் சாதிக்க விரும்பும் இலட்சியத்தையும் மூட்டை கட்டிவைத்துவிடுவார்கள். ஏனெனில் நாம் வாழும் உலகம் விரைவான மாற்றங்களுக்கு ஆளாகிக் கொண்டிருக்கிறது. அதில் பெரிய மாற்றங்களுக்கு ஆளாகிக் கொண்டிருக்கிறது. அதில் பெரிய மாற்றங்களைக் கூடச் செய்வதற்கு சிறிதளவு காலமே போதுமானது.

இதைத் தெரிந்திருந்தும், சில முஸ்லிம்கள் தங்களை கம்யூனிஸத்திற்கு அடிமைப்படுத்திக் கொண்டார்கள். ஏனெனில் கம்யூனிஸத்தை ஏற்றுக் கொள்வதன் மூலம் அவர்கள் முஸ்லிம்கள் என்ற வகையில் நிறைவேற்ற வேண்டிய கடமைகளை தவிர்த்துக் கொள்ளலாம். தாங்கள் சிந்தனையில் ஈடுபடதேவை இல்லை. சில இலட்சியங்களை நோக்கி நடப்பதில் ஏற்படும் கஷ்டங்களுக்கு ஆளாவதிலிருந்து தவிர்ந்துக் கொள்ளலாம்.

இன்னும் இதுபோன்ற மனோ நிலையைக் கொண்ட முஸ்லிம்கள் ஒரு இடத்தில் உட்கார்ந்து கொண்டு கற்பனை உலகில் சஞ்சரிப்பதை நாடுகின்றனர். தாங்களே சிந்தித்து தங்களது வழியைத் தேர்ந்தெடுப்பதற்கு பதிலாக தங்களை அடுத்தவர்கள் வழி நடத்தட்டும் என்று வாளாக இருந்து விடுகின்றனர்.

இங்கே நாம் ஒன்றைக் கவனிக்கவேண்டும். அதாவது, இஸ்லாம், தனது கொள்கைகளுக்கு எதிராக இல்லாத கொள்கைகளை எதிர்ப்பதில்லை. உண்மை என்னவெனில் கம்யூனிஸம் இஸ்லாத்தின் கொள்கையை ஒத்ததல்ல. ஓரிரு விஷயங்களில் அது இஸ்லாத்தைப் போன்று காட்சியளித்தாலும், உண்மையில் அது இஸ்லாத்தைப் போன்ற ஒன்றல்ல.

தங்களிடம் ஏற்கனவே வலுவானதொரு கொள்கையை கொண்டிருக்கும் முஸ்லிம்கள், கம்யூனிஸத்தையோ அல்லது முதலாளித்துவத்தையோ அல்லது சோஷயலிசத்தையோ ஏற்றுக்கொள்ள தேவை இல்லை. இவைகள் ஓரிரு விஷயங்களில் இஸ்லாத்தைப்போல் காட்சியளிப்பினும் சரியே!

இறைவன் திருமறையில் கூறுகின்றான்:
“அல்லாஹ் இறக்கி வைத்ததைக் கொண்டு யார் தீர்ப்பளிக்கவில்லையோ, அவர்கள்தான் பாவிகளாவார்கள் (அல்குர்ஆன் 5:47)

நாம் உண்மையிலேயே கம்யூனிஸத்தை ஏற்றுக் கொள்ளலாமா? அப்படி அதை ஏற்றுக்கொண்ட பின்னரும் முஸ்லிம்களாக வாழலாமா? வாழ முடியுமா?
                       

8 கருத்துக்கள்:

  • September 22, 2011 at 4:28 PM

    அனைவரும் படிக்க வேண்டிய அருமையான பதிவு.

    வாழ்த்துக்கள்.

  • September 22, 2011 at 6:10 PM

    நண்பர் கார்பன் கூட்டாளி அவர்களுக்கு நன்றி

    இன்னும் நிறைய ஆய்வுரீதியாக எழுத வேண்டியது இருக்கு இது ஆரம்பம் தான்.

  • September 22, 2011 at 7:31 PM

    சகோதரர் ஹைதர் அலி,

    அஸ்ஸலாமு அலைக்கும்,

    ///அப்படி அதை ஏற்றுக்கொண்ட பின்னரும் முஸ்லிம்களாக வாழலாமா? வாழ முடியுமா?///

    அடிப்படையிலேயே வேறுபாடுகள் கொண்டவை இஸ்லாமும், கம்யுனிசமும். ஒருசிலர் அப்படி நினைத்தால் அவர்கள் தங்களை தாங்களே ஏமாற்றிக் கொள்கின்றனர் என்றுதான் அர்த்தம்.

    வஸ்ஸலாம்,

    உங்கள் சகோதரன்,
    ஆஷிக் அஹ்மத் அ

  • September 22, 2011 at 8:06 PM

    அஸ்ஸாலாமு அலைக்கும் வரஹ்
    தலைப்பே.. .ஒரு வித மிரட்சியை ஏற்படுத்துகிறது
    அல்ஹம்துலில்லாஹ்....

    //தங்களிடம் ஏற்கனவே வலுவானதொரு கொள்கையை கொண்டிருக்கும் முஸ்லிம்கள், கம்யூனிஸத்தையோ அல்லது முதலாளித்துவத்தையோ அல்லது சோஷயலிசத்தையோ ஏற்றுக்கொள்ள தேவை இல்லை.//
    கம்யூனிஸ மாயையில் முழ்கும் வேகம்கொண்ட விவேகமற்ற முஸ்லிம்கள் இனியாவது சிந்திப்பார்களா...?

  • September 22, 2011 at 8:10 PM

    சகோதரர் அஷிக்

    ///அப்படி அதை ஏற்றுக்கொண்ட பின்னரும் முஸ்லிம்களாக வாழலாமா? வாழ முடியுமா?///

    இந்த கேள்விகளுக்கு இல்லை என்பதே நமது தெளிவான பதில்.

    கம்யூனிஸம் இஸ்லாம்- இவை இரண்டும் இணையாத இருவேறு துருவங்கள்.
    எடுத்துக்காட்டுகள் சில

    முதலாவதாக, கம்யூனிஸம் இந்த உலகியல் இலாபங்களையே இலக்காகக் கொண்டு செயல்படுகின்றது.

    ஆனால் இஸ்லாம் மனிதனை அந்த அளவுக்கு தாழ்த்திட தயாரக இல்லை.

    மனித வாழ்க்கையில் மிகவும் முக்கியமான ஒரே ஒரு விஷயம் உற்பத்தி இயந்திரங்களும் உற்பத்தி உபகரணங்களுமேயாகும். இவைகளில் ஏற்படும் மாற்றங்கள் மட்டுமே மனித வாழ்க்கையை மாற்றி அமைக்கும் சக்தி உடையவை இது கம்யூனிஸத்தின் கருத்தாகும்.

    ஆனால் அரேபிய பெருங்கண்டத்தில் இறைத்தூதர் ஏற்ப்படுத்திய புரட்சிக்கு உற்பத்தி கருவிகளில்- அவற்றின் உடைமைகளில் ஏற்பட்ட மாற்றங்கள் காரணமாக அமையவில்லை.

  • September 23, 2011 at 2:08 AM

    வ அலைக்கும் வஸ்ஸலாம் வரஹ்..
    சகோ குலாம் அவர்களுக்கு

    //கம்யூனிஸ மாயையில் முழ்கும் வேகம்கொண்ட விவேகமற்ற முஸ்லிம்கள் இனியாவது சிந்திப்பார்களா...?//

    வாசித்து யோசிப்பதற்காகத்தான் இப்பதிவு

    நன்றி சகோ

  • September 24, 2011 at 12:04 AM

    கம்யூனிஸம் அடிப்படையில் கடவுள் மறுப்புத் தன்மையைத் தன்னகத்தே கொண்டது. பிற மதங்களில் தெளிவான பொருளாதாரக் கொள்கை என்பது இல்லை என்பதால் கம்யூனிஸ்ட்களின் நெகிழ்வு பிற மதங்களுக்குப் பொருந்தலாம்

    இஸ்லாத்தின் பொருளாதாரக் கொள்கை என்பது தெளிவானது. எக்காலத்துக்கும் ஏற்றது. மனித குலத்தை மேன்மை அடையச் செய்வது.

    இத்துணைச் சிறப்புகளையுடைய தங்களுக்குச் சொந்தமான இஸ்லாமியப் பொருளாதாரத்தை விடுத்து, தோற்றுப்போன ஒன்றைத் தத்தெடுத்துக் கொள்வதற்கு முஸ்லிம்கள் முட்டாள்களல்லர்.

  • September 24, 2011 at 7:33 PM

    அஸ்ஸலாமு அலைக்கும் வரஹ்..
    சகோதரர் வஹ்ஹாபி அவர்களுக்கு

    //பிற மதங்களில் தெளிவான பொருளாதாரக் கொள்கை என்பது இல்லை என்பதால் கம்யூனிஸ்ட்களின் நெகிழ்வு பிற மதங்களுக்குப் பொருந்தலாம்//

    மிகச்சரியான பார்வை இஸ்லாத்திற்கு பொருந்தது இஸ்லாம் எல்லத் துறையிலும் வழிகாட்டக்கூடிய இயங்குவியல் மார்க்கம்

    நன்றி சகோ

Post a Comment

அன்பர்களே..! நம் அனைவர் மீதும் ஓரிறையின் சாந்தியும் சமாதானமும் நிலவட்டுமாக!

ஆக்கம் தொடர்பான கருத்துக்கள் வரவேற்கப்படுகின்றன. பேசுபொருளை திசைதிருப்பும் வீண் விவாதங்களும், அநாகரீக, காழ்ப்புணர்ச்சி, கேலி கிண்டல் பின்னூட்டங்ளும் பிரசுரிக்கபடமாட்டாது.

நியாயமான உங்கள் கேள்விகளுக்கு நடுநிலையான பதில் இன்ஷா அல்லாஹ் இங்கு உண்டு!